Pengar til Atlantic skulu ikki brúkast til hotell

Nú almenna flogfelagið er vorðið týðandi partur í føroysku hotelvinnuni, hevur tað sum flogfelag átikið sær óneyðugan váða. 

Og vandi er fyri ójavnari kapping í hotellvinnuni. Tað sigur Fíggjarnevndin hjá løgtinginum í álitinum um eykajáttanarlógina. Álitið kom í gjár.

Nevndin tekur kortini undir við at lata Atlantic Airways 100 milliónir krónur, sum landsstýrið hevur biðið um. Nevndin leggur tó dent á, at pengarnir ikki verða brúktir í sambandi við hotellvirksemi.