Arbeiða enn við ætlan um radara á Sornfelli

Arbeiða enn við ætlan um radara á Sornfelli
Trine Bramsen, verjumálaráðharri, sigur, at hon er til reiðar at kunna uttanlandsnevndina í løgtinginum um málið
Verjumálaráðharrin samskiftir javnan við Jenis av Rana, landsstýrismann í uttanríkismálum, um ætlanina at seta hernaðarradara upp á Sornfelli
 
09.12.2020 - 14:35

Danmark ætlar at brúka hálva aðru milliard krónur til at styrkja donsku hjáveruna í Arktis og Norðuratlantshavi.

Við í ætlanini er møguleikin at seta ein nýggjan hernaðarradara upp á Sornfelli.

Tað sigur Trine  Bramsen, verjumálaráðharri, í svari til Sjúrð Skaale, fólkatingsmann, sum hevur spurt um málið.

Verjumálaráðharrin sigur, at tað er umráðandi, at Føroyar og Danmark eru í tøttum samstarvi, og eru samd um at seta hernaðarradaran upp. 

Samskipanarbólkur settur

Ein samskipanarbólkur er settur á embætismannastigi við umboðum fyri føroyska landsstýrið, grønlendsku sjálvstýrismyndugleikarnar og danska verjumálaráðið.

Trine Bramsen sigur, at hon hevur beinleiðis og áhaldandi samskifti við Jenis av Rana, landsstýrismann í uttanríkismálum, um málið.

Sjúrður Skaale spurdi, um verjumálaráðharrin er til reiðar at kunna uttanlandsnevndina í løgtinginum um málið.

Trine Bramsen svarar, at hon samskiftir við Jenis av Rana, og tað stendur til hansara, um aðrir føroyskir myndugleikar skulu dragast upp í málið, ella fáa innlit í tað.

Heldur landsstýrismaðurin tað vera hóskandi og gagnligt, er verjumálaráðharrin til reiðar at fara á fund við uttanlandsnevndina, sigur Trine Bramsen í svarinum til Sjúrð Skaale.

Eingin endalig støða er tikin, um hernaðarradari skal setast upp á Sornfelli. Men verður radarin settur upp, sleppa allar kappingarførar fyritøkur at bjóða seg fram til uppgávur hjá verjumálaráðnum, eisini føroyskar, sigur Trine Bramsen.

 

Trine Bramsen, verjumálaráðharri, hevur svarað Sjúrði Skaale, fólkatingsmanni, um hernaðarradara á Sornfelli
Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592