Spyrja um handilsviðurskifti og trygdarstøðu

Spyrja um handilsviðurskifti og trygdarstøðu
Fólkatingsmenninir, Edmund Joensen og Michael Aastrup Jensen, hava biðið um samráð við uttanríkisráðharran og verjumálaráðharran
Michael Aastrup Jensen og Edmund Joensen vilja hava meira at vita um handils- og trygdarviðurskifti í Føroyum
 
09.12.2020 - 16:08

Seinnapartin í morgin eru Jeppe Kofod, uttanríkisráðharri, og Trine Bramsen, verjumálaráðharri, boðsend í samráð at svara um føroysk handilsviðurskifti og trygdarstøðuna í Føroyum.

Føroyski fólkatingsmaðurin, Edmund Joensen, og Michael Aastrup Jensen, framsøgmaður í uttanríkismálum hjá Vinstraflokkinum, hava biðið um samráðið.

Edmund Joensen sigur, at verður stóri ES-marknaðurin latin upp fyri føroyskum útflutningi, verða Føroyar minni heftar av eysturlendskum marknaðum, hagar vit útflyta nógv. 

- Tað er av stórum týdningi, at vit fáa nýggja handilsavtalu við ES, og eg fari at biðja uttanríkisráðharran greiða frá, hvussu stjórnin ætlar at stuðla hesum máli, sum landsstýrið eisini arbeiðir við, sigur hann.

Radarin

Edmund Joensen og Michael Aastrup Jensen fara eisini at spyrja Trine Bramsen, verjumálaráðharra, um ætlanina at seta ein radara upp í Føroyum.

- Tað er sera týdningarmikið, at avgerðin verður tikin í samráði við landsstýrið og løgtingið, soleiðis at hon ikki bara liggur hjá donsku stjórnini, sigur Edmund Joensen. 

Hann vil hava at vita, hvussu landsstýrið og løgtingið vera við í hesi ætlan, og hvørji sivil endamál radarin kann nýtast til.

Samráðið á Christiansborg verður í morgin frá klokkan 13 til 14.30 føroyska tíð. 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592