Google 744 milliónir í bót

Franska dátueftirlitið, CNIL, boðaði í gjár frá, at stovnurin hevur givið tøknirisanum, Google, 100 milliónir evrur í bót, svarandi til 744,5 milliónir krónur. 

Bótina fær Google fyri at ikki at hava hildið franskar reglur um tað, sum á enskum eitur cookies, sum eru kennifílar, ið eru spor, tú leggur eftir teg, tá tú ferðast á netinum.

Eisini stóra felagið Amazon fær bót, 35 milliónir evrur, sum svarar til 260 milliónir krónur fyri sama brot, skrivar norska blaðið Verdens Gang, vg.no