Løgreglumaður deyður eftir samanbrestir

Tað boðar løgreglan sjálv frá. Brian D. Sicknick varð skaddur, tá hann brast saman við mótmælisfólk í Capitol-bygninginum mikudagin.

Hann fór inn á skrivstovuna hjá løgregluni í húsinum, har hann small saman. Hann varð fluttur á sjúkrahús og doyði har, sigur løgreglan.

Ófriðurin mikudagin kravt fimm lív

Brian Sicknick er fimti persónurin, sum er deyður av ófriðinum í og við Capitol-bygningin í amerikanska høvuðsstaðnum mikudagin. 

Spurningar hava verið settir við, hví so fá løgreglufólk vóru til staðar, tá stóra mannamúgvan við mótmælisfólkum kom til Capitol Hill. Steven Sund. leiðari hjá løgregluni, hevur hevur lagt frá sær eftir hendingarnar mikudagin.

Hann sigur sambært CNN, at álopið á Capitol-bygningin ikki kann samanberast við nakað annað, hann hevur upplivað tey 30 árini, hann hevur arbeitt í løgregluni í Washington DC.