Kæran avvíst

Aganevndin vísir á, at mótmælið, sum varð lagt í dystinum, ikki er sambært kappingarreglunum og forskriftunum.

Mótmæli skal leggjast beint eftir, at skeivleikin er staðfestur ella møguligt mistak er gjørt, og skrivarin skal skriva mótmælið á dómaraseðilin. 

Dómaraborðið skal alt fyri eitt geva dómarunum fráboðan um mótmælið, og er spælið hereftir tikið uppaftur, hava partarnir góðtikið tað, sum er farið fram, sigur Aganevndin.

Tað varð ikki gjørt í dystinum 17. januar, sigur Aganevndin. Neistin vann dystin við einum máli, sum kom við brotskasti í síðstu løtu. Stjørnan kravdi umdyst.