Føroyskur fiskur livir sum heild upp til ES-krøv

Hugt varð at innanhýsis mannagongdum og um samsvar er millum mannagongdir og tað, sum verður gjørt. ES hugdi eisini at eftirlitsfrágreiðingum frá ymiskum virkjum og skipum. Og staðfestu eftirlitsfrágreiðingar frávik, varð kannað, hvussu og um uppfylging var gjørd.

Nógvir spurningar vóru um skip, serliga smábátar, skrivar Heilsufrøðiliga. Hon løggildir ísfiskaskip yvir 20 brutto-registar-tons, og regluligt eftirlit er við hesum skipum. Heilsufrøðiliga løggildir tó ikki smábátar undir 20 brutto-registar-tons, sum hava fiskiloyvi, men teir landa eins og ísfiskaskipini til løggildar landingarmiðstøðir. 

Fiskur frá smábátum, sum ikki eru løggildir, kann soleiðis fara víðari til ES. Tí hevði ES-nevndin stóran áhuga í, hvussu eftirlit av smábátum verður skipað. Veiðutølini vísa, at smábátar fiska um 15 prosent av øllum botnfiski, sum verður fiskaður undir Føroyum.

Skoða um netið
Orsakað av koronuumfarsóttini er ES-skoðanin gjørd um netið, við videofundum, teldupostisamskifti og øðrum. Hetta er fyrstu ferð, at ES-eftirlitismyndugleikin ger slíka skoðan yvirnetið. 

Skrivlig frágreiðing kemur innan 20 dagar, har nærri verður lýst, hvørjar tillagingar Heilsufrøðiliga starvsstovan skal gera innanhýsis.