General Motors lagar seg til grønu kósina

General Motors lagar seg til grønu kósina
Í 2035 gevst verksmiðjan við framleiðsluna av bensin- og dieselbilum. 
 
31.01.2021 - 11:21

General Motors, sum er størsta bilverksmiðja í USA, hevur nú boðað frá, at frá 2035 fer verksmiðjan at gevast við at selja bensin- og dieselbilar. 

Hetta er fyrstu ferð, at ein amerikanskur bilframleiðari meldar greitt út, at framleiðslan av bensin- og dieselbilum fer at halda uppat, og hetta verður uppfatað sum eitt greitt signal um, at General Motors nú lagar seg til grønu kósina, sum nýggja amerikanska stjórnin ætlar at seta út í kortið.

Aftan á Tesla, sum er í einum flokki fyri seg, er General Motors tann amerikanska bilverksmiðjan, sum er komin longst við menna hybrid- og elbilar seinastu árini. 

Grøna aldan
Aðrastaðni í heiminum hava fleiri bilframleiðarar longu meldað út, at teir eisini vilja ríða á grønu alduni.

Volkswagen, sum er heimsins størsti bilframleiðari, hevur sagt, at fyritøkan ætlar at vera CO2-neutral í 2050, og at longu í 2030 skal fyritøkan hava gjørt ein elbil, sum er kappingarførur við øll hini bilsløgini hjá Volkswagen.

Toyota segði í fjør, at í 2050 skal CO2-útlátið hjá øllum Toyota-bilum vera 90 prosent minni enn tað var í 2010.

Og Daimler Group, sum millum annað ger Mercedes-bilar, hevur sagt, at frá 2039 av fer fyritøkan bara at selja CO2-neutralar bilar, og at tað longu í 2022 eisini skulu vera elektriskar útgávur av teimum flestu av teirra bilmerkjum.

Ein partur av hesi gongdini kemst eisini av, at ES hevur sett hørð krøv til bilverksmiðjurnar, til dømis um CO2-útlát í 2030.

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592