Kunnu fara til Íslands at fiska lodnu

Nú kunnu føroysk skip fara til Íslands at fiska lodnu.

Kunngerðin um tað er lýst og komin í gildi. Treytirnar eru tær somu sum hini árini.

Er kvotan minni enn 12.000 tons, er loyvt til og við 17.februar at landa 4.000 tons uttan fyri Ísland, ella frysta umborð, tó ikki meira enn ásettu kvotuna.

Í løtuni er føroyska lodnukvotan 3.050 tons.

Kunngerðin um føroyskan lodnufiskiskap í íslendskum sjógvi er galdandi til 1.mai.