Lene Terp fingið fólk afturat sær

Christian Høgni Jacobsen skal hjálpa nýggja landsliðsvenjaranum, Lene Terp, við føroyska landsliðnum við kvinnum, skrivar FSF.

Runavíkingurin er settur sum hjálparvenjari.

Harafturat verður Jákup Mikkelsen málmansvenjari og Eli Leifsson fysiskur venjari.

 - Hetta er ein stórur og spennandi møguleiki, sum eg eri glaður fyri at hava fingið. Tað eru ikki allir venjarar, sum sleppa at arbeiða við einum A-landsliði, og so eri eg eisini glaður fyri at sleppa at arbeiða saman við Lene og hinum í venjaratoyminum.

 - Lene er ein stór íblástrarkelda við drúgvum royndum, og so sær hon fleiri ting, sum vit kanska ikki hava givið okkum far um. Tað er ótrúliga spennandi og læruríkt at vera partur av, sigur Christian Høgni Jacobsen við heimasíðuna hjá FSF.