Havsbrún fingið loyvi at leingja fóðurbryggjuna

Havsbrún í Fuglafirði hevur fingið byggiloyvi til at leingja fóðurbryggjuna. Tilsamans er útbyggingin 6.300 fermetrar.

Ein treyt er tó, at tillagingar verða gjørdar soleiðis, at verkætlanin verður innan fyri byggisamtyktina.

Avtala er gjørd millum Havsbrún og Fuglafjarðar kommunu um, at kommunan skal bera ein part av kostnaðinum, sum er 1,7 milliónir krónur. 

Avtalað er, at kommunan flytur Havsbrún upphæddina, sum skipar fyri at umseta peningin til grótfyllu fyri so kappingarføran kostnað sum gjørligt.