Óbrúkt fiskirættindi skulu latast landinum aftur

Frá 1. januar næsta ár verða eingi sokallað tóm veiðiloyvi í føroysku fiskivinnuni.

Tey, sum ikki brúka síni fiskirættindi, skulu lata landinum tey aftur.

Tey, sum hava rættindi at fiska, skulu í seinasta lagi 1.januar 2022 hava knýtt síni rættindi at egnum fiskifari, sum fær veiðiloyvi. 

Veiðiloyvi hava brúksskyldu frá nýggjárinum.

Tað sigur Jacob Vestergaard, landsstýrismaður, í svari til Ingolf S. Olsen, tingmann.

Fyrr kundu skip hava bæði veiðiloyvi og fiskiloyvi uttan at brúka tey.

Og reiðarar kundu hava veiðiloyvi í tvey ár, uttan at hava skip.