- Tíðindi, mentan og ítróttur
Dýpa og breiðka Suez-veitina
Dýpa og breiðka Suez-veitina
Arbeiðið skal vera liðugt um tvey ár
23. mars setti risastóra bingjuskipið, Ever Given, seg fast í Suez-veitini, og í umleið eina viku slapp einki skip gjøgnum týdningarmiklu veitina
12.05.2021 - 08:52
Suez-veitin skal nú dýpast tveir metrar og breiðkast 40 metrar.
Forsetin í Egyptalandi, Abdel Fattah al-Sisi, hevur boðað frá, at verkætlanin skal vera liðug um tvey ár, skrivar Ritzau.
23. mars setti risastóra bingjuskipið Ever Given seg fast í Suez-veitini, og í umleið eina viku slapp einki skip gjøgnum týdningarmiklu veitina, sum er høvuðsfarleiðin millum Asia og Evropa.
30 kilometrar av veitini skulu nú víðkast. Tað verður frá býnum Suez til eitt stórt vatn, sum er miðskeiðis í veitini.
Veitin skal breiðkast 40 metrar á eystaru síðu, og hon skal eisini dýpast tveir metrar, frá 20 til 22 metrar.
Er kopiera
Nýggjastu sendingar í ÚV
Nýggjastu sendingar í SV
