Nýtt graslíki á Tórsvøll

Nú verður nýtt graslíki lagt á tjóðarleikvøllin Tórsvøll.

Mánakvøldið vann manslandsliðið 5-1 á Liktinstein, og tað var seinasti dystur á gamla graslíkinum.

Aðalskrivarin Virgar Hvidbro sigur við heimasíðuna hjá Fótbóltssambandinum, at vøllurin er slitin, og nýggja undirlagið verður tikið í nýtslu til landsdystirnar í september.

Arbeiðið verður eftir ætlan liðugt um seks vikur.

Polytan

Graslíkið er av merkinum Polytan, og skal góðkennast undan landsdystunum í september.

Fótbóltssambandið og Tórshavnar kommuna samstarva um ætlanina.

Stoytdoyvingarundirlagið undir sjálvum graslíkinum verður eisini skift.

Og sprinklaraanleggið kring vøllin verður eisini dagført.