5.000 sjúkrarøktarfrøðingar fara í verkfall

5.000 sjúkrarøktarfrøðingar í Danmark fara í verkfall leygardagin.

Tað er greitt, eftir at ein meiriluti av limunum í danska sjúkrarøktarfrøðingafelagnum hevur felt eitt uppskot um nýggjan sáttmála.

Úrslitið av frumatkvøðugreiðsluni var, at 64,5 prosent atkvøddu nei, og 34,5 prosent tóku undir við nýggja sáttmálanum. 

Umleið 75 prosent atkvøddu, og tað er met.

Leggur ikki frá sær

Forkvinnan í danska sjúkrarøktarfrøðingafelagnum, Grete Christensen, mælti til limum sínum til at atkvøða fyri. Men hon vísir aftur, at úrslitið av frumatkvøðuni hevur við sær, at hon fer at leggja frá sær.

Grete Christensen sigur, at skal trupulleikin loysast, noyðast sjúkrarøktarfrøðingarnir at fáa lønarhækking.

- Nú er neyðugt at seta hart móti hørðum. Arbeiðsgevarar og politikarar noyðast at finna meiri pening, so sjúkrarøktarfrøðingarnir fáa lønarhækking og betri arbeiðsviðurskifti. Teir hava eina stóra uppgávu at loysa, sigur Grete Christensen.