Linari fosturtøkulóg í Gibraltar

Nú verður eitt sindur lættari at fáa fosturtøku í Gibraltar. Tað er úrslitið av fólkaatkvøðuni, sum var í bretskan hjálandinum í gjár.

62 prosent av fólkinum hava gjørt av, at fosturtøka skal vera loyvd, um mentala og fysiska heilsan hjá kvinnuni eru í vanda. Tað er m.a. galdandi fyri neyðtøku, incest og tá fostrið er illa fyri.

Eitt sindur meir enn 36 prosent av fólkinum atkvøddi ímóti uppskotinum. Fólkaatkvøðan var eitt ár seinni enn ætlað orsakað av koronasmittuni.

Umleið 32.000 fólk búgva í Gibraltar, sum er sygsti endi á Spania.

Gibraltar hevur annars eina av strangastu fosturtøkulóggávum í Evropa. Revsingin fyri brot á fosturtøkulóggávuna er fongsul í lívstíð.