Tundurfylla í staðin fyri gummigranulat til fótbóltsvøll

Eysturkommuna umhugsar at ganga nýggjar leiðir, nú nýtt graslíki skal á vøllin í Sarpugerði í Norðragøtu. Tí kommunan kannar møguleikan fyri at brúka tundurfyllu í staðin fyri gummigranulat.

Tundurfylla er umhvørvisvinarligt tilfar, sigur býráðið. FIFA hevur góðkent tundurfyllu.

Tundurfylla er ikki roynt á stórum vølli í Føroyum áður. 

Tó hevur lítli spælivøllurin í Leirvík, sum bleiv lagdur á í 2020, turdurfyllu. 

Tríggjar milliónir at skifta graslíkið

Vøllurin í Sarpugerði er níggju ára gamal.

Tað fer at kosta tríggjar milliónir krónur at skifta graslíkið.

Sjálvt graslíkið kostar sambært tilboðnum slakar 2,3 mill. kr. uttan meirvirðisgjald.

Talan er um sama graslíkismerki, sum verandi vøllur er.