Fyrsta royndin miseydnaðist

Fyrsta royndin at hála fóðurflakan Hellutanga leysan eydnaðist ikki.

Tað upplýsir Atli Gregersen, stjóri á alifyritøkuni Hiddenfjord.

Hellutangi sleit og rak inn í fjørðuna á Víkum í illveðri 5. apríl.

Síðstu tíðina hevur verið arbeitt við at tryggja og tetta fóðurflakan, og í morgun fóru bjargingarfólkini undir at blása luft í Hellutanga.

Um middagsleiti, fram móti fullari flóð, setti nótaskipið Tróndur í Gøtu á, at hála hellutanga leystan.

Umframt Trónd í Gøtu vóru eisini Tjaldrið, Rescue Sverri, Samson og Pressarin hjá skipasmiðjuni MEST og tríggjar tvíkiljur og hjálptu til.

Atli Gregersen sigur, at hóast fyrsta royndin í dag ikki bar á mál, hava tey tó framvegis vónir um at fáa Hellutanga leysan í næstum.

SÍ VIDEO AV HELLUTANGA, HAR HANN LIGGUR.