Makrelurin er beint sunnan fyri markið

Fiskaríið er frægari nú enn tað var, men tað skal ikki nógv til, tí tað var rættiliga vánaligt.

Sambært heimasíðuni jn.fo kom Tróndur í Gøtu á Tvøroyri við 835 tonsum í nátt. 

Og Næraberg er á veg á Kollafjørð við fullari last av heilfrystum makreli, sum teir fingu í altjóða sjógvi og í føroyskum sjógvi.

Sambært avtaluni, sum Føroyar og Noreg gjørdu í síðstu viku, kunnu føroyingar fiska helvtina av kvotuni í norskum sjógvi í ár. 

Og Noreg sleppur at fiska helvtina av sínari kvotu í føroyskum sjógvi.