Tamarhald á skógareldum í Grikkalandi

Tamarhald er nú á ógvisligu skógareldrunum í Grikkalandi, sigur ein talsmaður fyri griksku bjargingartænastuna.

Skógar- og náttúrueldarnir seinastu tíðina hava verið teir ringastu í Grikkalandi í áratíggju.

Regn hevur hjálpt sløkkiliðsmanningini at basa eldunum, men sløkkiliðið er framvegis tilbúgvið, um eldarnir kykna aftur, sigur talsmaðurin.

Skógar- og náttúrueldarnir hava lagt 100.000 hektarar av lendi í oyði. 

Um vikuskiftið verður nógvur vindur, og tí hava útlendsk hjálparfólk, sum eru komin til Grikkalands, fingið boð um vera tøk.

Tað hevur verið óvanliga heitt í nógvum suðurevropeiskum londum, eisini í Grikkalandi. Nógvastaðni er hitin komin upp í 45 stig.