Kunnu trola við skiljirist á stongdum leiðum

Nakrar leiðir eru latnar upp fyri trolfiskiskapi. Men treytin er, at trolið hevur skiljirist.

Endamálið við skiljiristini er at skilja ungfiskin frá.

Krav er eisini um at brúka skiljirist í øllum fiskiskapi við botntroli í føroyskum sjógvi, eisini á leiðum, sum ikki hava verið stongdar, sigur Fiskimálaráðið.

Undantøk eru tó. Tey eru um blálongu, langasporl, stinglaks, kongafisk, flatfisk og gulllaks.

Fiskiskapur eftir teimum kemur ikki undir reglurnar um skiljirist.

Trolbátarnir eru heldur ikki við í kunngerðini um skiljirist.

Tey, sum øll hesi undantøkini eru galdandi fyri, sleppa ikki inn á tær leiðir, sum nú eru latnar upp.