Vilja styrka loftvegis sambandið millum Føroyar og Ísland

Fleiri flogferðir millum Føroya og Íslands høvdu havt jaliga ávirkan á samskiftið millum londini bæði á øllum økjum.

Hetta er eitt uppskot í frágreiðingini, sum íslendska uttanríkisráðið hevur gjørt um samstarvið við Føroyar.

Mælt verður til at kanna, um áhugi er fyri fleiri flogferðum millum londini.

Millum annað skal kannast, um brúk er fyri flúgving til Egilsstaða ella Akureyrar.

Eisini verður mælt til at kanna, um ferðafólkasigling skal vera til havnir í útsynningspartinum av Íslandi, har millum annað Reykjavík og Torlákshøfn eru.

Samstarv um ferðavinnuna
Frágreiðingin viðger eisini ferðavinnuna.

Har verður mælt til, at sendistovurnar kanna, um fleiri ferðafólk kunna koma úr Íslandi til Føroyum og úr Føroyum til Íslands.

Mælt verður eisini til, at íslendski ferðamyndugleikin, Íslandsstova, fer í samstarv við Visit Faroe Islands um marknaðir uttanlands millum annað í samstarvi við sendistovurnar í teimum fýra londunum, har sum bæði londini hava sendistovur.