Landslæknin mælir til skynsemi

Landslæknin mátti í miðlarnar í gjár, tá tað gjørdist greitt, at ein av konsertgestunum í høllini á Hálsi leygarkvøldið hevði koronu. 

Nú ganga tað nakrir dagar, áðrenn vit vita, um fleiri eru vorðin smittað, tá tey vóru í konsert. Men tilmæli frá landslæknanum er, at øll, sum fáa sjúkueyðkenni, lata seg kanna alt fyri eitt. Harafturat verður mælt til, at øll, sum ikki eru liðugt koppsett, lata seg kanna bæði mikudagin 22. og fríggjadagin 24. september.