Málið um Eivind farið til fútan

Strandingin hjá frystilínuskipinum Eivindi á Flesjunum 2. august fer nú á borðið hjá fútanum.

Sjóvinnustýrið hevur avgjørt at senda málið hagar.

Sambært Sjóvinnustýrinum hevur skiparin á Eivindi ikki hildið manningarskjalið, sum sigur, at minst seks fólk skulu vera í manningini. Tveir menn vóru við, tá Eivind sigldi á Flesjarnar.

Skiparin hevur heldur ikki hildið kunngerðina um vaktarhald og ikki brúkt tøku útgerðina á brúnni, heldur Sjóvinnustýrið.

Kann ikki geva sektaruppskot

Danska skaðanevndin, Den Maritime Havarikommission, kannaði tilburðin og skrivaði frágreiðing um hann.

Tann frágreiðingin var kunngjørd 24. september.

Sjóvinnustýrið kann ikki geva fyrisitingarlig sektaruppskot.

Tí verður málið nú sent fútanum, sum so ger av, um skiparin hevur gjørt nakað skeivt.