Politisk lokalfeløg krevja at norðoyingar og vágafólk sleppa ókeypis

Politisk lokalfeløg krevja at norðoyingar og vágafólk sleppa ókeypis
Vágatunnilin og Norðoyatunnilin skulu gerast partur av landsvegakervinum, so tað verður ókeypis at koyra gjøgnum tunlarnar. Tað krevja lokalfeløgini hjá samgonguflokkunum
Mynd: Savnsmynd  
 
24.10.2021 - 09:23

Lokalfeløgini hjá Fólkaflokkinum og Sambandsflokkinum í Norðoyggjum og Vágum, umframt valfelagið hjá Miðflokkinum í Norðoyggjum krevja nú, at partafeløgini sum reka Vágatunnilin og Norðoyatunnilin verða tikin av beinanvegin.

Tunlarnir skulu so leggjast í landsvegakervið, halda tey fimm feløgini.

Tað merkir, at tað skal vera ókeypis at koyra.

 

Bummgjald kemur ikki upp á tal

Tað er kjakið síðstu dagarnar um ein komandi Suðuroyartunnil, og hvussu hesin skal fíggjast, sum fær tey fimm lokalfeløgini at reagera.

Eitt uppskot er at leggja allar undirsjóvartunlar í sama felag, og so skal bummgjald í øllum tunlum vera við til at fíggja stóru íløguna í Suðuroyartunnil.

Men tað kemur ikki uppá tal, sambært teimum fimm lokalfeløgunum í Vágum og Norðoyggjum.

 

Tunnilsfeløg skulu takast av

Feløgini mæla sínum løgtingslimum til at krevja, at p/f Vágatunnilin og p/f Norðoyatunnilin verða tikin av beinanvegin. Og so vilja feløgini eisini hava, at lógaruppskotini um innkomuveg til Tórshavn og Fámjinstunnilin verða útsett, til tunnilsfeløgini eru strikað.

Sum kunnugt eru Føroyar eitt valdømi. Men samgongupolitikarar við bústaði í Norðoyggjum eru Jákup Mikkelsen, Beinir Johannesen, Frimodt Rasmussen og Steffan Klein Poulsen, meðan Rósa Samuelsen býr í Vágum, har formaðurin í Fólkaflokkinum, Jørgen Niclasen, eisini býr.


 

Er kopiera
Nýggjastu sendingar í ÚV
Leygardag 24. mai
Morgunlestur leygardagur 24.mai 2025
192150
Fríggjadag 23. mai
Vikuskiftið 23 mei 2025
192308
Fríggjadag 23. mai
RagnarRokk: Mr.Lordi um Limited Deadition
192292
Fríggjadag 23. mai
Morgunlestur fríggjadagur 23.mai 2025
192149
Nýggjastu sendingar í SV
Fríggjadag 23. mai
Veðrið
192307
Fríggjadag 23. mai
Dagur og vika - teknmálstulkað
192266
Mikudag 21. mai
Eftir Vørðunum - teknmálstulkað
192195
Mikudag 21. mai
KAKUMiKS (2:7) - teknmálstulkað
192190
Mikudag 21. mai
Dagur og vika - teknmálstulkað
192158