Høgni silvur í sterkari kapping

Høgni Kunoy Dávason vann í dag silvur í juniorbólkinum í Dutch Open-kappingini.

Hann kappaðist í -63-vektbólkinum, og í finaluni tapti hann 27-7 fyri einum spanióla.

Í fyrsta og øðrum umfari vann føroyski íðkarin á Fraklandi og Spania. Hálvfinaluna vann hann uttan dyst, tí Holland varð kolldømt.

Høgni Kunoy Dávason kappaðist eisini í seniorbólkinum. Har vann hann í fyrsta umfari, áðrenn hann tapti annan dystin.