Fleiri ætlaðu at keypa sama skip, um teir fingu kvotu

Nakrir umsøkjarar kundu keypa sama skip, um teir fingu kvotu.

Í einum føri keypti umsøkjari, sum fekk kvotu, skipið, sum ein annar umsøkjari, sum ikki fekk kvotu, kundi keypa.

Tað sigur Jacob Vestergaard, landsstýrismaður, í enn einum svari til Høgna Hoydal, løgtingsmann, um kvoturnar til vinnuligar royndir og verkætlanir.

Umsitingin í Fiskimálaráðnum innstillaði fimm umsóknir.

Ango og Gráastein fingu kvotu

Tvær fingu kvotu frá landsstýrismanninum, tann frá Ango í Vági og tann frá Gráasteini í Havn. 

Sambært landsstýrismanninum vóru eginfígging og royndir avgerandi, tá hann læt kvoturnar.

Í teimum fimm umsóknunum, sum umsitingin innstillaði, var eginpengurin úr einari millión upp í 20 miliiónir krónur.