Tavan og Vestmanna Fiskavirki fingið endaliga játtan um kvotur

Tavan í Leirvík og Vestmanna Fiskavirki hava nú endaliga fingið játtað kvotur til vinnuligar royndir og nýskapan.

Fiskimálaráðið læt upprunaliga treytaðar játtanir, tí feløgini skuldu innan fýra vikur vísa á endaligt skjalprógv fyri millum annað avtalu við skip at fiska kvoturnar, fíggjarliga orku og møguliga lánsfígging.

Smápartafelagið 31.01.2011, tað er felagið, sum eigur línuskipið Sandshavið, stendur eisini til at fáa kvotur av bæði makreli og norðhavssild, men endaliga loyvið er ikki latið enn.

Fiskimálaráðið hevur biðið felagið um fleiri upplýsingar fyri at svara ávísum ivamálum.

Freistin at svara er hesa vikuna.

Sandshavið hevur fingið tillutað 500 tons av makreli og 500 tons av norðhavssild.