Løgmaður eigur at kanna málið

Løgmaður eigur at gera greitt, um Jenis av Rana, landsstýrismaður, breyt tilmælini um sóttarhald ella ikki, tá landsstýrismaðurin fór á Norðurlandaráðsfund í november.

- Tað kann vera trupult at fáa onnur at halda tilmælini, um landsstýrið ikki sjálv heldur tey, sigur Aksel V. Johannesen, formaður í Javnaðarflokkinum.

Bárður á Steig Nielsen, løgmaður, vil framvegis ikki viðmerkja málið, hóast fleiri áheitanir.

Jenis av Rana, landsstýrismaður, hevur heldur ikki fleiri viðmerkingar, sum støðan er nú.