Føroyar vunnu smálandakappingina í talvi

Føroyska talvlandsliðið vann ruddiliga kappingina millum smátjóðir í Evropa, sum hevur verið á Malta síðstu vikuna

Føroysku telvararnir: John Rødgaard, Luitjen A. Apol, Høgni E. Nielsen, Jón í Horni Nielsen og Helgi Dam Ziska

Mynd: Faroechess

04.12.2021 - 20:13

Í níggjunda og síðsta umfari í dag gjørdu føroysku telvararnir bart og vunnu 4-0 á Guernsey og tryggjaðu sær samstundis sannførandi sigur í smálandakappingini í talvi, sum hevur verið á Malta síðstu vikuna.

Føroyar endaðu trý stig frammanfyri Andorra, sum vann sín síðsta dyst 3-1 á Kýpros. Monako endaði á triðja plássi í kappingini. Føroyska liðið vann átta av níggju dystum. Ein dystur endaði við javnleiki.

Luitjen vinnur sær nógv ratingstig

Lutfalsliga stóð 15 ára gamli Luitjen seg best av føroysku telvarunum. Hann gongur heili 57 ratingstig fram. Høgni Egilstoft Nielsen forvinnur 11 ratingstig. Hinir standa at kalla í stað. Hjá Helga Dam Ziska, sum hevur munandi hægri styrkital enn mótstøðumenninir, er næstan vónleyst at gera nakað ratinglop í hesum kappingum, sama hvussu góð úrtøkan er.

Hetta var sjeynda smálandakappingin í talvi í Evropa, og Føroyar hava staðið seg best samanlagt hesi árini.

Endaliga støðan

Rk.	Team	1	2	3	4	5	6	7	8	9	10	TB1	TB2	TB3	TB4
1	Føroyar	*	2½	2½	2	4	4	3½	3½	3	4	17	29,0	0	458,5
2	Andorra	1½	*	3	3	2	4	2	2½	3	4	14	25,0	0	393,3
3	Monako	1½	1	*	2	3	3½	2½	3	4	4	13	24,5	0	363,8
4	Kýpros	2	1	2	*	2½	2	2½	3½	3½	4	13	23,0	0	351,0
5	Luksemburg	0	2	1	1½	*	4	3	4	3½	4	11	23,0	0	309,3
6	Guernsey	0	0	½	2	0	*	1	3	3	3	7	12,5	0	155,3
7	Malta	½	2	1½	1½	1	3	*	1	2	3½	6	16,0	0	244,8
8	Jersey	½	1½	1	½	0	1	3	*	2	2	4	11,5	1	179,5
9	Liktinstein	1	1	0	½	½	1	2	2	*	3½	4	11,5	1	158,5
10	ESNA Women	0	0	0	0	0	1	½	2	½	*	1	4,0	0	49,3