Eingin samgongufundur fyrr enn eftir jól

Samgonguflokkarnir eru samdir um at gera eina roynd at finna stevið aftur, men tað verður ikki fyrr enn eftir jól. 

Tað sigur Bárður á Steig Nielsen, løgmaður, eftir at bæði Fólkaflokkurin og Miðflokkurin vilja hava løgmann at umrøða støðuna.

Løgmaður sigur, at tað er best, at tað sum hendi í gjár, sodnar í nakrar dagar.

Royna at finna stevið

Vágaportalurin skrivar, at allir tríggir flokkarnir eru samdir um at gera eina roynd at finna stevið aftur.

Samgongan er kortini virkin, og í morgin verður landsstýrisfundur, har ymisk mál vera umrødd. Talan er í størstan mun um kunngerðir sum skulu lýsast fyri nýggjár.

Givið er, at politiska støðan eisini verður umrødd, sigur Bárður á Steig Nielsen, løgmaður.