Seinasta skotið og rotta kann renna millum oyggjar

Í dag verður seinasta skotið í Sandoyartunlinum.

Í tí sambandi minnir Umhvørvisstovan á, at Sandoyggin er ein av 11 oyggjum í Føroyum, har eingin rotta er. 

Tað er sera umráðandi, at øll, sum senda ella flyta vøru til Sandoynna, ansa eftir, at vøran er væl pakkað og heil, so at eingin rotta fylgir við. 

Eisini er umráðandi, at kommunurnar í oynni støðugt ansa eftir, at eingin rotta er, og hava eina tilbúgving, so tær altíð eru til reiðar at týna rottuna alt fyri eitt, skuldi hon komið til oynna, skrivar Umhvørvisstovan, sum eisini hevur eina vegleiðing og frágreiðing á sínari heimasíðu.

Sandoyartunnilin, Sandoyartunnil

Ber illa til at forða rottuni

Tað ber illa til at forða fyri, at rotta sleppur til Sandoynna, staðfestir Umhvørvisstovan. Men tað ber til at minka um vandan. 

Mett verður, at størsti vandin fyri, at rotta sleppur til Sandoynna, er, at hon er í vøru, sum verður flutt til oynna gjøgnum tunnilin ella við skipi. 

Vandi er eisini fyri, at rotta sjálv fer gjøgnum tunnilin.

Eystur- og Sandoyartunlar hava gjørt eina fyribyrgingarætlan.