Løgmaður hevur loyst Jørgen Niclasen úr starvinum

Jørgen Niclasen, landsstýrismaður í fíggjarmálum, varð hósdagin tikin fyri rúsdrekkakoyring í Vági.

Hetta hevur við sær, at hann í dag hevur boðað løgmanni frá, at hann leggur frá sær sum landsstýrismaður.

Og løgmaður hevur nú í tíðindaskrivi boðað frá, at hann  hevur loyst Jørgen Niclasen úr starvi og at løgmaður fyribils røkir fíggjármál.  

Landsstýrismaðurin í fíggjarmálum hevur í dag biðið løgmann um at verða loystur úr starvi sbr. stýrisskipanarlógini § 29 stk. 1.

Løgmaður hevur loyst landsstýrismannin úr starvi.

Sambært fráboðan um býti av málsøkjum landsstýrisins millum landsstýrismenninar, sum seinast broytt við fráboðan nr. 2 frá 6. januar 2022 § 44 stk. 3, røkir løgmaður fyribils fíggjarmál.

Sambært in.fo varð tað hósdagin, klokkan 11:26, at Jørgen Niclasen varð tikin, og tá hann blásti í alkoholmetrið, var promillan 1,26. 

Tað hevur ikki eydnast á fáa fatur á Jørgeni Niclasen.

Bárður á Steig Nielsen, Jørgen Niclasen, Jenis av Rana, samgongukreppan