Kunnu viðgera samferðslupakkan ein mánað aftrat

Fíggjarnevndin hevur biðið um og fingið freist til 31.mars at koma við áliti um samferðslupakkan hjá landsstýrinum.

Fyrsta viðgerð var 27.januar. Tí skuldi álitið koma í seinasta lagi 27.februar.

Men ósemja er um samferðslupakkan í samgonguni, Og nýggjur landsstýrismaður er í fíggjarmálum.

Fíggjarnevndin sigur, at greitt er, at samferðslupakkin, fýra lógaruppskot, krevur drúgvari viðgerð.

Nevndin ætlar eisini at hoyra sjónarmiðini hjá nýggja landsstýrismanninum. 

Uni Rasmussen segði tó í gjár, at hann fer ikki at koma við broytingum í samferðslupakkanum. Tað má løgtingið gera.