Jóhan Dalsgaard hevur tapt fyribils

Búnaðarstovan hevur boðað Jóhan Dalsgaard frá, at hansara umsókn ikki er gingin á møti. Ein annar umsøkjari hevur fingið festið.

Í skrivinum sum Jóhan Dalsgaard hevur lagt á sína vangamynd á Facebook, verður sagt, at avgerðin at lata øðrum umsøkjara festið er tikin út frá eini heildarmeting av øllum innkomnum umsóknum. Dentur er lagdur á drúgvar og viðkomandi arbeiðsroyndir, og  festarin, sum nú hevur fingið festið, er mettur hava drúgvastu og mest viðkomandi arbeiðsroyndir at festa í Fámará.

Avgerðin kann kærast til Fiskimálaráðið, og Jóhan Dalsgaard hevur longu boða frá at hann fer at kæra.