Margit Joensen: Tað er saknur í Boban

Høvuðsvenjarin hjá føroyska flogbóltslandsliðnum, Boban Ilic, er ikki við, tí hann hevur ikki fingið visum.

Boban er serbi, og tað hava leingi verið trupulleikar við at fáa hansara loyvið upp á pláss. Tað er framvegis ikki komið upp á pláss, men í føroysku landsliðsleguni verður vóna, at tað fer at eydnast.

Margit Joensen, sum er mest royndi leikarin á føroyska landsliðnum, sigur við Kringvarpið, at tey vóna enn at fáa Boban Ilic til Bermuda.

Føroysku kvinnurnar eru tó ikki uttan venjara. Bartal Eliasen, hjálparvenjari, er komin til Bermuda í øllum góðum.

Margit Joensen sigur, at Bartal og hon hava fingið boð frá Boban Ilic um liðuppstillingar, venjingar og annað umvegis telefon.

Fyrsti dysturin hjá føroyska kvinnulandsliðnum í flogbólti verður móti Grønlandi sunnudagin