Næmingar í Hoydølum í Vinnuháskúlan

Næmingar í Hoydølum í Vinnuháskúlan
Tríggjar skúlastovur verða gjørdar aftrat í skúlanum við Krákugjógv. Mentamálaráðið ætlar ikki at byggja fleiri fyribilshøli til Studentaskúlan í Hoydølum
Fleiri fyribilshøli verða ikki bygd í Hoydølum, sigur Mentamálaráðið
Mynd: Savnsmynd  
 
13.07.2013 - 12:30

Eftir summarfrítíðina fara tríggir flokkar úr Hoydølum at halda til í Vinnuháskúlanum undir Krákugjógv við Oyggjarvegin í Havn.

Tað váttar Poul Geert Hansen, aðalstjóri í Mentamálaráðnum, fyri útvarpinum.

100 fleiri næmingar fleiri verða í Hoydølum eftir summarfrítíðina, men pláss er ikki fyri teimum í Hoydølum. Tí hevur Mentamálaráðið gjørt av at byggja tríggjar skúlastovur í Vinnuháskúlanum undir Krákugjógv aftrat. Landsverk skal standa fyri umbyggingararbeiðnum.

Rektarin mælir frá

Mikkjal Helmsdal, rektari í Hoydølum, segði annars í samrøðu við útvarpið í juni, at hann helt hesa loysnina verða sera óhøgliga bæði fyri lærarar og næmingar.

Hann heldur, at besta loysnin hevði verið at bygt fleiri fyriblishølir í Hoydølum. Parkeringarviðurskiftini eru sera vánalig í Hoydølum, at tað ger tað trupult hjá lærarum og næmingum at koma til tímarnar til  ásetta tíð. Tí væntar hann, at henda loysnin eisini at órógva undirvísingina.

Fleiri næmingar

Fráfrandi rektarin væntari eisini, at næmingatalið fer at hækka næstu árini, og so verður kanska tørvur á enn fleiri hølum næsta ár. Mikkjal Helmsdal vísir á, at Marknagilsdepilin verður ikki liðugur fyrr enn í 2016, og tí átti ein varandi loysn at verið funnin. 

Poul Geert Hansen, aðalstjóri í Mentamálaráðnum, sigur, at hækkar næmingatalið næsta ár, og tørvur verður á fleiri skúlastovum, má ein loysn finnast tá. Hann sigur, at fleiri  fyribilshøli verða ikki bygd, men ætlanin er nýta høli, sum eru tøk hjá Mentamálaráðnum.

Er kopiera
Nýggjastu sendingar í ÚV
Týsdag 19. august
Morgunlestur týsdagur 19. august 2025
195626
Mánadag 18. august
Poppverturin
194202
Mánadag 18. august
Alt við tað sama, í botninum
195696
Mánadag 18. august
Morgunlestur mánadagur 18. august 2025
195624
Nýggjastu sendingar í SV
Mánadag 18. august
3-2 (18. august 2025)
195726
Mánadag 18. august
Veðrið
195712
Fríggjadag 15. august
$elfie
195650
Fríggjadag 15. august
Veðrið
195642
Mikudag 13. august
Dagur og vika - teknmálstulkað
195526