Innanhýsis klandur steðgaði Rokksavninum

Hugskotið var fínt.

At savna ljóðføri og annað tilfar frá føroysku rokksøguni í eitt savn í Klaksvík.

Tað hildu ikki einans teir fýra stigtakararnir - Aksel á Botni, Eyðun Nolsøe, Rani Nolsøe og Jógvan Andrias Joensen.

Tað hildu stuðlarnir eisini - bæði vinnulívið og býráðið í Klaksvík.

Eisini løgtingið stuðlaði savninum við 100.000 krónum á fíggjarlógini.

Og til Faroese Music Awards vann stuðulstiltakið til savnið - Gittarting - ársins átak.

Innanhýsis ósemja

Men í dag - nøkur ár seinni - er framvegis einki savn komið í Klaksvík.

Verkætlanin er steðgað upp, og fleiri av teimum upprunaligu fýra stigtakarunum eru rýmdir.

Teir hava givið skarvin yvir.

Her kemur søgan um eitt savn, sum øll ynsktu sær, men sum doyði orsakað av innanhýsis ósemju.

Tað er ikki eydnast okkum at gera samrøðu við Jogvan Andrias Joensen.

Sí alla sendingina Lyst 54