- Tíðindi, mentan og ítróttur
Russar hava higartil oyðilagt fyri 412 mia. kr. í Ukraina
Russar hava higartil oyðilagt fyri 412 mia. kr. í Ukraina
Heimsbankin sigur, at fyribils eru oyðileggingrnar av krígnum í Ukraina mettar til 412 milliardir krónur.
Oyðileggingarnar í Ukraina av russisku innrásini eru sera umfatandi
Mynd: Ritzau / Scanpix
22.04.2022 - 08:19
Oyðileggingarnar av bygningum og infrakervi í Ukraina orsakað av krígnum eru øgiligar.
Heimsbankin sigur, at fyribils eru oyðileggingrnar mettar til 412 milliardir krónur.
Upphæddin fer at hækka, so leingi kríggið varar, sigur stjórin í Heimsbankanum, David Malpas sambært Reuters.
48 mia. kr. í mánaðin
Kríggið er framvegis í gongd, so útreiðslurnar hækka framvegis, segði hann á ráðstevnu í gjár, sum forsetin í Ukraina, Volodymyr Zelenskyj, luttók á umvegis videosamband.
Hann metir, at Ukraina hevur brúk fyri 48 milliardum krónum um mánaðin fyri at kunna svara fíggjarliga smeitinum í kjalarvørrinum av innrásini hjá Russlandi.
- Russiska hermegin miðar eftir at oyðileggja alt í Ukraina, sum virkar sum búskaparligt grundarlag fyri lívi okkara her. Eitt nú jarnbreytarstøðir, matvørugoymslur, oljureinsiverk og annað, sigur Zelenskij sambært tíðindastovuna, AFP.
Er kopiera
Nýggjastu sendingar í ÚV
Nýggjastu sendingar í SV
