BankNordik 48 milliónir í avlopi eftir skatt

Fyrsti ársfjórðingur var góður hjá BankNordik-samtakinum.

Grundraksturin batnaði 30 prosent, og úrslitið eftir skatt gjørdist 48 milliónur krónur.

Úrslitið fyri skatt var 60 milliónur krónur.

Í fyrsta ársfjórðingi í fjør var úrslitið 117 milliónur krónur, men tá stavaðu 77 milliónir krónur frá stakinntøkum

BankNordik hevur áður boðað frá, at nettoúrslitið í ár væntandi verður millum 130 og 160 milliónur krónur. 

Eftir góða roknskaparúrslitið í fyrsta ársfjórðingi, verður ársúrslitið sambært bankanum væntandi nærri 160 enn 130 milliónum krónum.