Nýggja urgan í Hoyvík vígd sunnudagin

Sunnudagin kl. 11 verður nýggja urgan í Hoyvikar kirkju vígd.  

Bergtórur Bjarkhamar, prestur, prædikar, og organistarnir við kirkjuna, Albert Pætursson, Anita Ellendersen og Ólavur Jøkladal, spæla. 

Jógvan Fríðriksson, biskupur, fer at víga orglið, og Gudmund Mortensen, sum hevur verið vegleiðari í samband við orglubyggingina, fer at greiða frá nýggja orglinum og spæla eitt orgulstykki, skrivar Hoyvíkar kirkja.

Tiltøk við tónleiki verða eisini um sunnukvøldið og aftur mikukvøldið.