Meiri peningur til Almannaverkið og Strandferðsluna

Meiri peningur til Almannaverkið og Strandferðsluna
Verður broytingin hjá meirilutanum í fíggjarnevndini samtykt, verður hallið í eykajáttanarlógini nærum 100 mió. kr.
Meirilutin í fíggjarnevndini skjýtur upp at játta Almannaverkinum tríggjar milliónir aftrat, so tað slepst undan sparingum í trivnaðartænastunum.
 
03.05.2022 - 08:32

Tríggjar milliónir skulu játtast til trivnaðartænastur hjá Almannaverkinum, so sleppast kann undan sparingum har.

Tað sigur Fíggjarnevndin hjá løgtinginum, sum hevur skrivað álit um uppskotið um eykajáttanarlóg hjá landsstýrinum. 

Meirilutin, í honum eru samgongan, Sjálvstýri og Javnaðarflokkurin, vil eisini geva Strandfaraskipum landsins fimm milliónir aftrat, so sleppast kann undan at hækka farmaprísirnar á suðuroyarleiðini.

Landsstýrið hevur biðið um størri játtan til fólkaskúlan, 3,6 mió. kr., og til Sernám, 400.000 kr. 

Hesar hækkingar eru við í broytingaruppskotinum hjá meirilutanum.

 

H-bygningurin fær 25,6 mió. kr. aftrat í eykajáttanarlógini.

 

Hallið umleið 100 mió. kr.

Harafrat skulu játtast Landssjúkrahúsinum 25,6 mió.kr. til kjallaran í H-bygninginum.  

Við hesum broytingum verður hallið í uppskotinum 98,8 milliónir í staðin fyri 61,3 milliónir.  

Ruth Vang í Framsókn vil ikki lata Strandfaraskipum landsins fleiri pengar, men tekur annars undir við meirilutanum. 

Páll á Reynatúgvu í Tjóðveldi sigur, at hann tekur støðu í tingsalinum.


 

Er kopiera
Nýggjastu sendingar í ÚV
Týsdag 18. mars
LEITISSTEIN 18.03.2025 (FMA 2025)
189394
Týsdag 18. mars
Morgunlestur týsdagur 18.mars 202
189184
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Nýggjastu sendingar í SV
Týsdag 18. mars
Veðrið
189386
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238