Funnin sekur í lógarbroti, men fekk onga revsing

Av tí at málið er so gamalt, tað er frá 2017, fekk skipari onga revsing, hóast hann var funnin sekur í at bróta lógina um vinnuligan fiskiskap.

Skiparin var ákærdur fyri at geva Vørn skeiv tøl um hjáveiðu.

Sektin fyri slíkt brot er vanliga 25.000 kr.

Men av tí at fimm ár eru farin, var kravið hjá ákæruvaldinum 10.000 kr.

Høgaberg, uppsjóvarskip

Skiparin á Høgabergi var eisini skuldsettur.

Ósketni

Føroya rættur segði, at eingin sekt skal gjaldast, hóast skiparin er sekur, men talan var um ósketni. Og statskassin rindar sakarkostnaðin, 15.000 kr.

Skiparin á Høgabergi var eisini skuldsettur, men fyri ikki at geva nakað tal upp. 

Hann tók av einum sektaruppskoti, sum var 10.000 kr. Eisini tað málið er frá 2017. 

Málini lógu hjá ákæruvaldinum so leingi, at tey ikki blivu avgreidd fyrr enn nú.