Hava dúvað ov nógv upp á orku úr Russlandi

ES hevur keypt olju fyri 3,3 milliardir kr. úr Russlandi um dagin, men nú hava ES-londini samtykt at skarva tveir triðingar av nøgdini, sum tey higartil hava keypt úr Russlandi

Tað fer at hava við sær, at Russland fer at fáa nógv minni inntøkur úr vesturheiminum, og tað kann fara at raka russiska búskapin meint.

Olja úr Russlandi til ES, Olja úr Russlandi - Mynd: Ritzau Scanpix

Lættasti mátin at fáa orku til vega hevur verið at keypa hana úr Russlandi, sigur Margrethe Vestager, sum er varaforkvinna í ES-nevndini. Hon sigur, at hetta fera at koma ES aftur um brekku:

Síðani kríggið byrjaði, hevur Russland flutt stórar nøgdir av olju til fleiri asiatisk lond, og nú vilja onnur lond hava oljuna, sum ES ikki vil keypa.

Bara í farnu viku vórðu millum 74 og 79 milliónir tunnur av olju fluttar til India og Kina, skrivar Bloomberg. Fyri kríggið var talan um umleið 27 milliónir tunnur.

Tað ljóðar at Russland selur bensin við stórum avslátti í løtuni, og tað kemur væl við hjá londum, sum ikki leggja stórvegis í kríggið í Ukraina.