Sjúkrahúsverkið sum universitetssjúkrahús

Kannast skal, um føroyska sjúkrahúsverkið kann gerast eitt universitetssjúkrahús.

Eitt universitetssjúkrahús hevur umframt sjúklingaviðgerð gransking og útbúgving. 

Útbúgvingin er fyri heilsustarvsfólk, eitt nú læknar og sjúkrarøktarfrøðingar.

Eitt universitetssjúkrahús hevur eisini ta fakligu viðurkenning, sum krevst so starvsfólk og granskarar kunnu vinna sær akademisk heiti við sínum virksemi har.

Kaj Leo Holm Johannesen

Kaj Leo Holm Johannesen er landsstýrismaður í heilsumálum.

25 granskarar

Á nýggjárinum er ætlanin at skipa eina nýggja heilsugranskingareind, so føroyska heilsugranskingin verður savnað á einum staði, og grundarlagið undir henni verður munandi styrkt, sigur Kaj Leo Holm Johannesen, landsstýrismaður.

Í granskingareindini verður pláss fyri 25 granskarum.

At skipa eina granskingareind undir Sjúkrahúsverkinum er í samsvari við ætlanina um Fólkaheilsustýrið í Føroyum.

Landsstýrismaðurin hevur fingið eitt tilmæli um, hvussu heilsugranskingareindin í Sjúkrahúsverkinum verður skipað.