Povl Dissing deyður

Povl Dissing hevði verið sjúkur í longri tíð, nú hann ikki orkaði meira og legði árarnar inn í heiminum, 84 ára gamal. 

Tað upplýsir familjan fyri Ritzau, sambært danska Ekstra Bladet. 

Tónlistaleiðin hjá Povl Dissing hevur verið long og rík, og er hann at rokna sum ein legenda í Danmark.

Serliga samstarvið við Benny Andersen í sambandi við "Svantes viser" í 1973 er høgt í metum. Hvør kennir ikki strofuna "Livet er ikke det værste man har. Og om lidt er kaffen klar."

Byrjaði sum trompetspælari

Povl Dissing byrjaði tó sum trompetspælari í jazzorkestrinum Mandagsorkestret í fimtiárunum. 

Men í seksti- og sjeytiárunum byrjaði hann at spæla fólkatónleik og blues, og bleiv við tíðini vísusangarin mikli í Danmark. 

Povl Dissing útgav yvir 20 plátur, og hann hevur eisini spælt við í fleiri filmum og sjónleikum. 

Eftir Povl Dissing sita konan, Pia Jacobæus, og synirnir Rasmus og Jonas, sum spældu saman við pápanum í bólkinum Dissing, Dissing, Las og Dissing, sum Las Nissen eisini spældi við í. 

Povl Dissing vitjaði eisini ofta í Føroyum og framførdi.