Uppsjóvarskip landaðu 15 ferðir uttanlands í apríl og juni

Eitt yvirlit hjá Vørn vísir, at átta uppsjóvarskip landaðu svartkjaft 15 ferðir uttanlands, tá hetta var loyvt frá 23.apríl til 15.juni.

Tey landaðu 35.682 tons í Danmark, Íslandi og Noregi.

Tað mesta, knappliga helvtin, var landað í Íslandi.

Arctic Voyager, uppsjóvarskip

Arctic Voyager landaði tríggjar ferðir í Íslandi. 

Hini skipini landaðu tvær ferðir ella eina ferð.

Sjey landingar vóru í Danmark, sjey í Íslandi og ein í Noregi.

Uppsjóvarskip

Í fjør landaðu 11 føroysk skip svartkjaft uttanlands.

22 landingar vóru, og landað vóru 54.258 tons.