NSK skal hjálpa politinum í Føroyum

Danska løgmálaráðið er í ferð við at gera uppskot um broyting í føroysku rættargangslógini, so NSK, nýggja eindin, sum eitur National enhed for Særlig Kriminalitet, kann hjálpa politinum í Føroyum.

NSK skal hjálpa politinum við at kanna talgilda skemd, tá talan er um slík mál, sum eru sera fløkt.

Revsilógin í Føroyum skal broytast, so eindin eisini skal virka í Føroyum, sigur Mattias Tesfaye, løgmálaráðharri í svari til Sjúrð Skaale, fólkatingsmann.