Stjørnan tekur seg úr KÍ

Stjørnan fer nú at taka seg úr Klaksvíkar Ítróttarfelag. 

Á eykaaðalfundi hjá KÍ í næstum verður uppskot lagt fram um, at hondbóltsdeildin, Stjørnan, skal takast burtur úr KÍ. Tað vátta formaðurin í KÍ, Tummas Lervig, og forkvinnan í Stjørnuni, Súsanna Lydersen, fyri Norðlýsinum. 

 - Tíðirnar eru nógv broyttar og m.a. átti KÍ eina høll fyrr, sum hevði ávirkan á, at vit vóru saman. Vit hava skulað lagt okkara roknskap fram á aðalfundinum hjá KÍ, men annars hava vit stórt sæð einki havt við hvønn annan at gjørt í nógv ár, sigur Súsanna Lydersen við Norðlýsið. 

Tað er Stjørnan, sum hevur biðið um eykaaðalfund, men eingin illvilji er millum Stjørnuna og KÍ, sigur forkvinnan.

Eykaaðalfundurin verður 12. september.