ES og USA fordøma russiskt rakettálop í Ukraina

bannari
25.08.2022 - 15:05
AktueltÚtheimurin
ES og USA fordøma russiskt rakettálop í Ukraina
25 fólk doyðu, tá russar skutu rakettir eftir einari tokstøð í býnum Chaplyne
Russiska álopið á ukrainska býin Chaplyne hevur kravt í minsta lagi 25 mannalív, og 50 eru særd.
Mynd: Ritzau Scanpix  
 

Hægsti diplomaturin í ES, Josep Borrell, fordømir nú russiska rakettálopið á eina tokstøð í ukrainska býnum, Chaplyne, gjár. 

Talið á deyðum er nú komið upp á 25 og fleiri enn 50 fólk vóru særd.

- Hetta er eitt andstyggiligt álop á sivilfólk, sum Russland framdi í Chaplyne á ukrainska frælsisdegnum, skrivar Borrell á Twitter.

- Tey, sum hava ábyrgdina av russiska rakettyvirganginum, skulu standa til svars fyri sínar gerðir, legði ES-uttanríkisráðharrin aftrat.

 

Josep Borell er uttanríkisleiðari í ES. (Mynd: Ritzau Scanpix)

 

Eisini amerikanski uttanríkisráðharrin hevur fordømt rakettálopið í gjár.

- Álopið á eina tokstøð á tremur við sivilfólkum, fylgir mynstrinum av ræðuleikum. Vit halda fram, saman við okkara sameindu, at stuðla Ukraina, og royna at draga russisku herovastarnar til svars fyri sínar gerðir, sigur Anthony Blinken.

Sambært Reuters, hevur Russland nú váttað at hava skotið rakettir eftir tokstøðini í Chaplyne, men at hesar rakettir raktu eitt hernaðartok, sum var fermt við vápnum og lóðuri, sum var á veg til hermótið í eystur Ukraina.

 

Antony Blinken er amerikanskur uttanríkisráðharri. (Mynd: Ritzau Scanpix)
 

Er kopiera
Nýggjastu sendingar í ÚV
Hósdag 23. mars
Góðan morgun Føroyar 23.03.2023
154542
Hósdag 23. mars
Morgunlestur hósdagur 23. mars 2023
154363
Mikudag 22. mars
Ljóarin 22. mars 2023
154516
Mikudag 22. mars
Breddin: Flóttafólk
154489
Mikudag 22. mars
Góðan morgun Føroyar
154482
Nýggjastu sendingar í SV
Mikudag 22. mars
Úr savninum: Flúgviplássið
154470
Týsdag 21. mars
Vísindavøka 2022
154454
Sunnudag 19. mars
Møti úr Filadelfia í Gøtu
154340
Sunnudag 19. mars
Andakt við Árna Joensen
154308
Fríggjadag 17. mars
Veðrið
154274